الرئيسية
البوابة
أحدث الصور
التسجيل
دخول
هل فى مجرم فى العالم يفكر يسرق محفظة ظابط شرطه وهو واقف وسط مجموعه ظباط وجنود ؟؟؟!!!
هل يجرؤ قاتل أن يقتل مذيع وهو يذيع الأخبار على الهواء مباشرة ؟؟؟!!!
هل يجرؤ أحد أن يعمل جريمة فى مكان مراقب بكاميرات ؟؟؟!!!
ليه ياترى محدش يقدر يعمل كده؟؟؟
السبب بيسط جدا ... لأنه عارف إنه متراقب وإنه بسهولة جدا هيتقبض عليه ويعاقب على إللى عمله ...
طيب ... معنى كده إن وجود رقابة عليك ... بتمنعك من إرتكاب أى جريمة ....
طيب لو إللى عمل الجريمة عملها وهو مش عارف إنه متراقب ... ياترى هيكون قد إيه شعوره بالندم بعد مايتمسك ... ويشوف صورته من كاميرات المراقبة وهو بيعمل الجريمة دى وهو مش قادر ينكر أو يقول أنا معملتش حاجه ...
ولو كان عارف إنه متراقب ... أد إيه هيكون تأنيبه لنفسه بعد ما يتمسك ... بعد ما عمل الجريمة وهو بيقول لنفسه ... ما إنتا كنت عارف انك هتتمسك وكنت عارف إنك متراقب ... ليه عملت الجريمة دى؟؟؟
فمابالك لو كانت الرقابة مش رقابة كاميرا ... لا دى رقابة أشد بكتييير ...
كاميرات مراقبة ... وكمان اتنين بيراقبوا مراقبة لصيقة ... وأداة الجريمة نفسها كان فيها تسجيل للأحداث صوت وصورة ...
ده بقى لا يمكن أى عاقل يعمل اىىى غلطة تحت المراقبة دى ...
طب ... لو حد كان تحت المراقبة دى ... ومش قادر يبطل اخطاؤه والجرائم اللى اتعود عليها دى برده تقول عليه إيه ؟؟؟ ...
تقول إيه لو كنت أنا وأنت إللى بنعمل كده ...
إحنا فعلا بنعمل كده فى كل مره بنعصى فيها ربنا ...
ياترى مش يبقى الموضوع محتاج وقفة للتفكير ...
أفهمك ... إنت عارف إن ربنا رقيب عليك ولا لاء ... وإن كل حركة هتعملها ربنا يعلمها ولا لاء ...
أنت مش عارف إن ربنا خلق ملكين ملك يمينك وملك عن شمالك بيكتبوا عنك كل حاجه بتعملها سواء كانت خير او شر...
إنت مش عارف إن عينيك وأذنك ولسانك وإيدك ورجلك ... بل وجلدك كمان ... كل دول شهود عليك يوم القيامة وهيعترفوا بكل ذنب عملته ...
{وَمَا كُنتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَكِن ظَنَنتُمْ أَنَّ اللَّهَ لَا يَعْلَمُ كَثِيراً مِّمَّا تَعْمَلُونَ }فصلت22
لكن ...خلاص كل حاجه إنتهت:
{قالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ }غافر48
كان قدامنا فرصة فى الدنيا ... كان قدامنا عمر طويل 20- 30 -50-60 ..... سنة ...
لكن ضيعناه فى لذات وشهوات ... ولم يتبقى لنا إلا الندم والبكاء ...
خلى بالــــــــــك ...
ممكن دى تكون فرصتك الأخيرة فى التوبة ... ممكن تكون اللحظة دى أخر لحظات حياتك ... أوعى تقول بعدين ... أوعى تقول انا لسه شباب و قدامى العمر طويل ... أوعى تأجل توبتك لحظة واحدة ...
فمهما طالت حياتك فأخرتها الموت : {كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ }العنكبوت57
ومهما كانت ذنوبك وتبت ربنا هيغفرهالك كلها وإن كانت مثل زبد البحر
فالتوبة تجب ما قبلها وقال تعالى: {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }الزمر53
وفى الحديث القدسى قال الله تعالى : ( يا ابن آدم ! إنك مادعوتنى ورجوتنى غفرت لك على ما كان منك ولا أبالى يا ابن آدم ! لو بلغت ذنوبك عنان السماء ثم استغفرتنى غفرت لك ولا أبالى يا ابن آدم ! لو أنك أتيتنى بقراب الأرض خطايا ثم لقيتنى لاتشرك بى شيئا لأتيتك بقرابها مغفرة )
ربنا رؤوف رحيييم تخيل انك اذا تبت توبة نصوحة من قلبك ربنا هيبدللك سيئاتك دى بحسنات : {إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً }الفرقان70
ربنا بيفرح بتوبة عبده فرحة مش ممكن تتخيلها
قال رسول الله صلى الله عليه وسلم :"'الله أفرح بتوبة عبده من احدكم كان علي راحلته عليها طعامه وشرابه فضلت منه في الصحراء فبحث عنها حتي أيس فنام ثم استيقظ فوجدها عند رأسه فقال: 'اللهم انت عبدي وانا ربك اخطأ من شدة الفرح' فالله عز وجل افرح بتوبة عبده اشد من ذلك الرجل
.....
قبل ما أنهى كلامى أفكرك إننا فى مجرد رحلة
معبر للآخرة
مش اكتر من اننا عابرى سبيل فى الدنيا دى
ومصير كل واحد مننا الموت وبعدها ... إما للجنة ... وإما للنار ...
وصدقنى مش هتستحملها{وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً( 27) يُرِيدُ اللّهُ أَن يُخَفِّفَ عَنكُمْ وَخُلِقَ الإِنسَانُ ضَعِيفاً }28 النساء
وفى النهاية معنديش غير وصية واحده اوصيكم ونفسى بها .. (( وتزودوا فإن خير الزاد التقوى )) ..
وربنا يهدينا جميعا لصراطه المستقيم فى الدنيا والآخرة
ويجمعنا فيها على طاعته
وفى الاخرة على نعيم جنته
اللهم آآآميييين
منقول بتصرف
